ESE E VOGËL PËR LUFTËN, POEZI NGA QERIM UJKANI

Filed under: Poezi |

 

 

 

ME POEZINË 8.

 

Poezinë më të mire e gjeta sot në mëngjes

Në letrën e bardhë në tavolinë të punës

Të cilën nuk e kishte prekur ende jeta ime

Vargu im nuk kishte rënë mbi të

Ehu unë evropian i pare

Prapë dhe prapë evropian i fundit

 

Vargu im jeta ime mallë i gjatë

 

 

 

ESE E VOGËL PËR LUFTËN

 

 

Lufta është provim pjekurie në shkollë lirie

Kalojnë ata që bien dhe që nuk bien

Të paepurit dhe dëshmorët kalojnë gjithmonë

me sukses të shkëlqyeshëm

Aty ku bien ata vazhdojnë hijet e tyre

Gjithë dritë dhe shkelqim

Në luftë edhe vetë lufta jep provim

Zakonisht kalojnë të drejtat dhe padrejtat bien

Kur të padrejtat fitojnë

Luftrat vazhdojnë

S`ka luftë të mirë dhe të keqe

Të gjitha luftrat janë vrastare

Luftën e vërtetë e bëjnë luftëtarët

Luftën e keqe vrasësit

Oh sa koka të mbjella me varre

Luftëtarët qëndrojnë

Vrasësit ikin

Shkrumb e hi lënë pas

Luftrat mbarojnë por nuk përfundojnë

Shprehia për të vrarë nuk harrohet shpejtë

Ç`vrasje të çuditshmen pikë të ditës në mes

të natës

Qyqarët që nuk kanë shprepur asnjë plumb në luftë

Vrasin të tjerët

Vrasin dhe miqtë e vet

Liria skuqet nga turpi skaj më skaj atdheut

Lufta mëton të jetë një art

Por arti më i lartë është gjithmonë të ngardhnjesh

Fitoren të kumtosh ngado

Popujt në luftë heqin qafe dikë

Të tjerët që u bien në qafë i njohin më vonë

Atëherë shihet qartë

Kush ka luftuar për liri

E kush për prapanicë të vet

Më e mira është gjithsesi që luftra tymos ketë

Fjala luftë të hiqet nga çdo fjalor

Të harrohet

 

Por armiqtë a të harrojnë

Varreve të mira lufta për liri

Nuk përfundo kurrë

 

 

 

 

USHTRIME TË TË PAMURIT MIRË

 

 

Hapi sytë hapi

Sytë të hapur

Të mos shpëtojë asgjë pa e parë

Mund t`i mbyllësh vetëm shkurt

Sa më shpurt

Gjërat vetëtimthi kalojnë

Dritë sa më shumë

Dritës të mos ia kesh frikën

Nuk ka dritë aq të fortë sa të të vërbojë

Para të panjures të padukshmes

Sytë nga dy t`i bësh katër

Një sy të mos e mbyllësh as kur fle

Shiko dhe shih dhe dallo

Xhindet do të të shtiren gjithsesi

Por kjo nuk do të jetë më e keqja

Më e keqja do të jetë

Nëse të shtiret vetvetja

Shiko përpara dhe prapa

Djathtas majtas poshtë lartë

Më së tepërmi drejtë

Cakun ta mbash në sy gjithnjë

Të mos harrosh se për ku je nisur

Sytë hapur

Ballin lartë

 

One Response to ESE E VOGËL PËR LUFTËN, POEZI NGA QERIM UJKANI

  1. adem jashari luftoj e kosoven ai e qliroi se bashku me vellezer po luftonin per liri e per shqiptaret nuk po banin tradheti

    albiona krasniqi
    May 30, 2012 at 9:57 am
    Reply

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>