NJOFTIM DHE FTESË
DITËT LETRARE DHE TAKIMI I SHKRIMTARËVE SPANJOLLË DHE SHQIPTARË
Lidhja e Shkrimtarëve dhe Artistëve të Shqipërisë, në cilësinë e bashkëorganizatores, ka kënaqësinë të ftojë shkrimtarët, studiuesit, përkthyesit dhe të gjithë krijuesit e interesuar për letërsinë shqiptare dhe atë spanjolle, të marrin pjesë në veprimtarinë letrare dhe kulturore “Ditët Letrare dhe Takimi i Shkrimtarëve Spanjollë dhe Shqiptarë”.
Ky takim synon të krijojë një hapësirë të përbashkët dialogu mes krijuesve, studiuesve dhe përkthyesve të të dy vendeve, duke nxitur shkëmbimin e përvojave letrare, njohjen e ndërsjellë të kulturave dhe forcimin e urave të bashkëpunimit ndërmjet letërsisë shqiptare dhe asaj spanjolle.
Ftojmë shkrimtarët, poetët, studiuesit e letërsisë dhe përkthyesit që të jenë të pranishëm në këtë veprimtari, për të kontribuar në një atmosferë komunikimi, miqësie dhe bashkëpunimi kulturor ndërkombëtar.
Data: 11–12 tetor 2026
Ora: 11:00
Vendi: Biblioteka Kombëtare e Shqipërisë, Qendra “Sotir Kolea”
Tiranë, Shqipëri
Pjesëmarrja juaj do të jetë një kontribut i çmuar në promovimin e letërsisë, në afrimin e shkrimtarëve shqiptarë dhe spanjollë dhe në pasurimin e dialogut kulturor ndërmjet dy popujve.
Ju mirëpresim!
Lidhja e Shkrimtarëve dhe Artistëve të Shqipërisë
Bashkëorganizatore e veprimtarisë