1.LARG JETËS
Lindi kjo ditë mesgushti,
Me ëndërrat e natës së shkuar;
Çudi,nuk po duket n’horizont dielli,
A thua dhe ai na ka harruar ?!
Jetojmë mistershëm në hapësirë,
E mistershëm e jetojmë këtë botë:
Por çuditërisht s’paskemi për ta arrirë,
Atë që ëndërrojmë çdo minut,çdo orë.
2.KUR GJUMI I NATËS LUPURISH MENDJEN
Kur gjumi i natës lupurish mendjen,
E qepallat nuk mbyllen nga mrrolja e ditës;
Bisedat kafeneve tërheqin vemendjen,
Teksa çuditem me diellin e fundshtatorit rrezitës.
3.MBRËMJE GRI
Mbrëmje gri ngarkuar me re dhe shi,
Kohë të davaritura me horizonte trishtuese,
Fundmarsi vetëm më ditë-netë gri,
Magjepse do ishte një fjalë ngazëlluese…
Shkëlzeni i bardhë na uron një natë t’lumnueme.
4.KREDO PER 1 PRILLIN
Një prilli,dita e të paktëve,
Që cdo vit sekretojnë zvogëlimin;
Por mbase ishalla nuk shumëzohen,
E kjo ditë të sfidojnë vërtetë 1 prillin.
5.SA PAK
Pak diell,
Pak prill,
Pak pranverë,
këtë mëngjes trillues,
Mes cicerimave të zogjve.
Fjalëkalim mohues
i përditshmërisë reale
të banorëve te mi.
Eh,Dardani ! Dardani !
6.PARADOKSE
Natë e vonë,
Mesenxherët mbyllin defterët e llogarive,
E kanatat e dyerve të hekurta,
tashmë janë mbyllur.
Duke gërhitur në gjumë,
Qindarkat e lypsarëve të mbetura
Drithërojnë trumbetisht botën,
Përzier me eksodin e dhimbshëm,
Teksa kandidatët e përzgjedhur,
me nxitim numërojnë votën
Lind agu i mëngjesit,
E poetët herët kafeneve,
Tinëzisht mendojnë si të ndryshojnë
BOTEN…
7.ZEMRA DHE GURET
Në dyer zemrash trokiti shpesh,
Hyn,hyn i thoshin dikur;
Një copëz bukë ai desh,
Porse atë e ngjuanin me gurë.
Keshtu ai mblodhi gurë-gurë,
E një nga një i coi në shtëpi,
Dhe me ta ndërtoi një mur,
Përreth zemrës së madhe të tij.