1. Jargavanët blu
lulëzuan për së dyti!
Dimër i acart.
* * *
2. Thërret trishtili
degëve të gështenjës:
– Eja, pranverë!
* * *
3. Shirat e natës,
vajtocet qajnë n’darkë…
Fluturat në shi.
* * *
4. Peshqit këndojnë,
Sipas yllit të fatit,
Bie shi qumështi.
* * *
5. I dua fabulat,
Aty vazhdimisht kafshët
Më shoqërojnë.
* * *
6. Zambak i bardhë.
Largadash janë brigjet.
Lundra pa rrema.
* * *
7. Bredhi në tetor,
Shkrep farat e pjekura –
Faqes së tokës.
* * *
8. Pihet kujtesa
Më lëngje boronicash.
Lirikë me shi.
* * *
9. Pret mugullimi
Nëpër fletat e lules –
Dielli buzagaz.
* * *
10. Valë të verdha.
Këndon zogu në kokë.
N’ballë livadhet.
* * *
11. Më ik nga harta.
Xix’llonja rri vetullës –
Po bëhet nuse.
* * *
12. Toka e vlagët,
Fara mbin në bosa dheu.
Gruri luzmonte.
* * *
13. Molla e malit
nga frika prej dëborës.
nuk e pret diellin.
* * *
14. Lule hashashi,
Është qepur për majin.
Vërshonte fushat.
* * *
15. Kur rritet etja,
Lumi pinte liqenin.
Përthahet heshtja.
* * *
16. Buka në çerep,
Fëmija rritet në djep –
Erdhi kryeviti…
* * *
17. Në donatisje,
Gazelja vrapon – rreze –
N’oazën e blertë.
* * *
18. Rërë e guaca,
S’ka hijeshi pa bunac?
Haiku me yje.
* * *
19. Gjarpërinjtë larg.
Bambuja shpëtimtare.
Krrokatje korbi.
* * *
20. N’qerpikët e mi
Trishtili do të flinte.
E zgjon behari.
* * *
21. E mbyll ylberi
Qiellin me gjithë yje…
Kasnecët e shiut.
* * *
22. I bie një fyelli,
Unë me frerë në duar –
Kali pa grifa.
* * *
23. Zog bishtmëndafshët,
Lifqerët e argjendit –
Grizatet shpati.
* * *
24. Puthjen e zjarrit,
ëndërron ekuinoksi –
Tokën e ashtshme.
* * *
25. Larushkat digjen
Në flakën e oxhakut,
Zjarr pa dashuri.
* * *
26. Kubet nga jugu,
Arabeska laracon –
S’ka katinarë.
* * *
27. Ëndje bukurie,
Tha dielli dal nga retë;
Po ngjallet Orfeu.
* * *
28. Lumi del brigjesh,
Pse shiu fshehet nga retë?
Sytë gaxhullan.
* * *
29. Zog i yllëzuar
Hynte në bir të fyellit,
Se sheh rrufeja.
* * *
30. Ne, më besnikët,
Haikun e këndojmë shqip.
Lindja japonisht.
* * *