MUSTAFA SPAHIU
ME HAJKU GDHEND UJIN
Krismë e brishtë
Bumbeshat po shperthejnë
Gjalloi pranvera…
Djalosh dua të jem
Brengat ti flak në lumë
Papushim të bredh…
Jam mes rrafshinës
Këngë e erës mrekulli
Bie fyell i bariut…
Ndal, shijo rininë
Pas mikes së vjetër
Qerpikët qullur…
S’pendohem kurrë
Hedh shtat dhe harlisem
Pas vashëzave…
Pushtoi kaçubën
Trishtilat me cicërimë
Me ngjatjetojnë…
Pa fjalë e lotë
Bukurezat vetullash
Ngrysur , s’di perse?!…
Në prehrin tim
Nga koriet zemërarta
Vjollcat vinin varg…
Peshqit nëpër qiell
Kemisha resh në lumë
Zgjerohen brigjet…
Zemra e gurit
Pëlcet nga gjumi i tokës
Mbuluar me arna…
Puthja e heshtjes
Kapem pas lisit
Si zog vjen vasha…
Era me gishta
Flokët e shiut mendafsh
I palon bjeshkës…
Buzët e vjeshtës
Pas perdes mbyllur
Shih kalaveshët…
Motrat e nderit
Me fytyrë prej dylli
Shkrihen në lutje…
Mblidhi qerpikët
Sylynjarëve t’bjerrur
Zemrës së dehur…
Dielli është djegur
Zemra ime me duar
Mbëltonte rreze…
Shpirtit tim rriten
Kroje të zemrës
Zjarr e dëborë…
Pendlat e natës
Mbi shpirtin tim varur
Lisave të thiktë…
Endrrës së ylberit
Gufojnë ngjyrat
I puth nën ujë…
Enrra e pyllit
Dega këndon lajthisht
Nën buzët e mia…
Harrova puthjet
Para se të dashuroj
Veç kujtimi mbeti…
Vjeshta pambarim
Me aromë bredhëse
Rrënjët përkonin…
Molla që rritet
Poshtë ujit të kthjellët
Fshehur kujdesshëm…
Dritë limoni
Derdhet në zemrën time
Fjala që agon…
Prapë e ndjej në gojë
Shijen e zjarrit
Ngrihej në vershim…
Shetis rrugëve
Pafjalë dhe ushqim
Agu më shkallon…
Verës që shkoi
Buzët mi freskoi
Qerpiku yt i dendur…
Nuhas muzgun e hershëm
Duke të kërkuar ty
Dhe zemrë tende…
Yllin me gjemba
Qershit ngjyrë gruri
Pr duart e tua dhuratë…
Bredh bjeshkës pafund
Stoli madhështore
Dielli në zabel…
Çdo valë e tejdukshme
E lumit që vjen
Ndalet trupit tënd…
Fluturoj papushuar
Në dhomën tënde
Me durim të madh…
Qershori dridhej
Si flutur e larme
Jargavitej në jug…
Mos më rri larg
Buzët tua bujare
Ende zbardhojnë në mua…
E djeshmja u dogj
Mes gishtave të dritës
Sy endrre…
Dielli u shkreh
Mes dritës pingule
Të trendafilit…
Kohës që shkon
Liqeni i syve tu
Veç rritet…
Dy dashnorë atje
Nata u fal petale
Prej hëne…
Ditët nxitojnë
Si lumë nëntokësor
Ua ndjej oshëtimën…
Dëshirat rikthehen
Cakun se arrij dot
Kalojnë gratë…
Vezullim vargjesh
Shndrit hajku im
Me vesë loti…
