Rama vlerëson zgjedhjet: Nga ky proces duhet të dalë e fituar Shqipëria dhe jo vetëm partia që do të vazhdojë të qeverisë vendin

Kryetari i PS-së dhe kandidati për kryeministër, Edi Rama me tone të qeta dhe i vetëpërmbajtur pohoi se procesi i numërimit të votave duhet të vijojë me të njëjtën ritëm siç u mbajtën dhe votimet.

“Tani është momenti që qytetarët të ndjekin nga shtëpia vazhdimin e këtij procesi. Nesër dielli do të lind përsëri, Shqipëria do të buzëqesh. Ajo që dua patjetër të theksoj nuk është e fundit për nga rëndësia, përkundrazi është se ne nuk duam thjesht rezultatin dhe konfirmimin si forcë qeverisjes, por duam që siç ishte kjo ditë kaq e bukur, kaq e qetë, kaq qytetare, falë mirësjelljes demokratike të të gjithëve, duhet të jetë edhe vazhdimi i këtij procesi. Nga ky proces duhet të dalë e fituar Shqipëria dhe jo vetëm partia që do të vazhdojë të qeverisë vendin.