Duke mos veçuar dhe familjen time nga gjithësia mund të them me plot gojën se viti 2020, ishte një vitë shumë i vështirë në të gjithë komponentet jetësore. I vështirë nga pikëpamja ekonomike. Mbyllja dhe kufizimet nga corona virusi, nuk më lejonin të shkoja në punë e për rrjedhojë të ardhurat ishin në minimum.
I vështirë nga pikëpamja shëndetësore. Frika dhe shqetësimi për shëndetin u kthyen në stres të vazhdueshëm duke arritur deri aty sa fillova të monotorojë vehten dhe pjestarët e familjes për të dalluar nëse po na shfaqeshin simptomat e virusit. Kur virusi trokiti në derë dhe dha shenjat e para tek unë regimi im emocional ishte shumë i fortë. Mund të them se ishte një eksperiencë që të shkaktonte pasiguri dhe rrezik për shëndetin. I vështirë nga pikëpamja shoqërore,
pasi komunikimi tani ishte vetëm virtual.
Krijimtaria ime mori një tjetër dimension . Punova intensivisht dhe bëra gati për botim dy libra me poezi “Rrënjët e Shpirtit”, dhe “Zemra e një Gruaje”, Vëllimin me tregime “Dashuri e Prushtë” si dhe një përmbledhje me poezi për fëmijë “Beni i Vogël Trazovaç”. Do doja të veçoja poezite që lindën gjatë kohës së pandemisë Ditë pas dite përjetova dhe hodha në vargje gjithçka që më jepte emocion gjatë kësaj kohe.Diku një zemër e lënduar, diku sy që lotojnë, diku kënd lojrash i zbrazur, diku bluza të bardha që luftojnë vdekjen për të fituar jetë. Janë subjekte të poezive që krijova në këtë vitë pandemie.!
Viti 2021 do ta prisja me shprehjen ” Ardhsh i Bardhë”! Jam optimiste dhe besoj shumë që edhe Viti 2021 do jetë për të gjithë një vit optimist. Kam përfundim një vëllim me poezi
lirikë dashurie , i cili do më njohë si ” poete të dashurise”, gjithashtu do I dhuroj fëmijve një vëllim me tregime. Pres të hapet një kapitull i ri , kapitull në të cilin ti rikthehemi jetës që kishim dhe unë të vazhdojë të hedhë në poezi dhe tregime buzëqeshje , e dashuri.!!.
