Shumë të turbullt në sulm, ja lemë t’i zgjidhë të gjitha Broja”, shpërthen Hafizi: Çfarë barazimi donim ne?! Nuk gjuajtëm një herë…
Ish-trajneri i Kombëtares, Astir Hafizi, nuk i kurseu kritika, pas humbjes së Shqipërisë në shtëpi ndaj Polonisë. I ftuar në studion e “Supersport”, Hafizi ndër të tjera deklaroi:
Hafizi2
“Hungari për mua ishte ekip i dobët, pavarësisht se mori pikë në Angli. Roshi ishte një nga lojtarët që u fut për të zëvendësuar të tjerët dhe ishte më i miri. Askush nuk e di ccfarë mund të ndodhte po të ishin lojtarët që mungonin. Pretenduam të bënim gjithë aksionet tona me veprime individuale.
Edhe Ramadani ka bërë një ndeshje të mirë. Asnjë veprim i qartë i skuadrës në sulm. Jemi shumë të turbull në sulm, ja lemë t’i zgjidhi Broja. Ku janë aksionet, lëvizjet, muri, daljet nga krahët. Pse pretendojmë të shkojmë në “Play-Off”, kur Polonia është më mirë?! Skuadrat e mëdha 2 herë dalin të ndëshkojnë.
Mos i vijë keq Rejës për pyetjet nga studio. Nuk funksionon loja e sulmit pikë. Kështu nuk shkojmë kurrë përpara. Kështu e perceptoj unë lojën. Loja pa sulm nuk ka emocion. Le mos e pranojnë. Çfarë barazimi donim ne, nuk gjuajtëm një herë”, u shpreh Hafizi pas ndeshjes.
PANORAMASPORT.AL
